Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Айван ҫыннӑн турти кӗске теҫҫӗ.
[ваттисен сӑмахӗ]
 

Хыпарсем: Ветеринари служби

Политика
t.me/government_chuvashii сӑнӳкерчӗкӗ
t.me/government_chuvashii сӑнӳкерчӗкӗ

Ҫак эрнере пирӗн республикӑн правительствинче кадрсемпе ҫыхӑннӑ йышӑну пулса иртнӗ.

Чӑваш Енӗн Патшалӑх ветеринари службин пуҫлӑхӗн ҫумӗ пулма Денис Шишкина шаннӑ.

Дениса Алексеевича ку пукана шанса парасси ҫинчен калакан йышӑнӑва Чӑваш Енӗн Министрсен Кабинечӗн Председателӗн тивӗҫне пурнӑҫлакан Сергей Артамонов пуш уйӑхӗн 17-мӗшӗнче алӑ пуснӑ.

 

Политика
pravdapfo.ru сӑнӳкерчӗкӗ
pravdapfo.ru сӑнӳкерчӗкӗ

Чӑваш Енӗн Патшалӑх ветеринари службин пуҫлӑхӗн ҫумне ӗҫрен кӑларнӑ. Ҫавӑн ҫинчен калакан йышӑнӑва ӗнер, юпа уйӑхӗн 18-мӗшӗнче алӑ пуснӑ.

Асӑннӑ должноҫра Николай Харитонов тӑрӑшнӑ. Асӑннӑ пукана вӑл 2014 ҫулта йышӑннӑ.

Чӑваш Енӗн Патшалӑх ветеринари службин пуҫлӑхӗн Александр Шакинӑн паянхи кну тӗлне пӗр заместитель тӑрса юлнӑ. Вӑл ҫын – Дмитрий Моисеев.

 

Республикӑра
ru.wallpaper.mob.org сайтри сӑн
ru.wallpaper.mob.org сайтри сӑн

Республикӑра йышӑну тунӑ. Ку килти чӗр чунсене усрассине тата вӗсене урамра уҫӑлтарассине пырса тивет.

2024 ҫулхи пуш уйӑхӗн 1-мӗшӗнчен килти чӗрчуна Патшалӑх ветеринари службинче регистрацилемелле. Ҫак ӗҫе чӗрчун туянсан 15 кун иртиччен е вӑл 3 уйӑх тултариччен тумалла. Регистрацилесен чӗрчуна удостоверени параҫҫӗ.

Халӗ килти чӗрчун усракансен йытӑ-кушака 2024 ҫулхи пуш уйӑхӗн 1-мӗшӗччен регистрацилемелле.

 

Политика
ideputat.er.ru сайтран илнӗ скриншот
ideputat.er.ru сайтран илнӗ скриншот

Чӑваш Енӗн Патшалӑх ветеринари службине 3 ҫул ертсе пынӑ хыҫҫӑн Константин Викторов ӗҫрен хӑйӗн ирӗкӗпе кайнине Чӑваш халӑх сайчӗ пӗлтернӗччӗ-ха.

Паян ку должноҫе Александр Шакин йышӑннӑ. Чӑваш Ен Элтеперӗ Олег Николаев алӑ пуснӑ хушӑва республикӑн влаҫ органӗсен официаллӑ порталӗнче паян вырнаҫтарнӑ.

Патшалӑх ветеринари службинчи хыпар тӑрӑх хакласан, Александр Шакинӑн икӗ заместитель: Николай Харитонов тата Дмитрий Моисеев. Ҫак йӗркесен авторӗ ӑнланнӑ тӑрӑх, Александр Шакин унччен Тӑвай районӗнче ӗҫленӗ.

 

Политика

ЧР патшалӑх ветеринари службин ертӳҫи Константин Викторов ӗҫрен хӑйӗн ирӗкӗпе кайнӑ. Ку должноҫре вӑл шӑп та лӑп 3 ҫул ӗҫленӗ.

Константин Викторов ку пукана 2020 ҫулхи нарӑс уй ӑхӗнче йышӑннӑ. Унччен вӑл Шупашкарти кайӑк-кӗшӗк хапрӑкӗнче, ветеринари тата фитосанитари тӗрӗслевӗн федераци службин управленийӗнче ӗҫленӗ.

Константин Викторов ӗҫрен каясси пирки паян влаҫ органӗсен порталӗнче хушу тухнӑ.

 

Ҫутҫанталӑк

Хӗрлӗ Чутай районӗнче чирлӗ хир сысни тупӑннӑ. Кун пирки Республикӑн патшалӑх ветеринари служби паян пӗлтернӗ.

Хир сыснине «Балхаш» сунар ҫӗрӗ ҫинче асӑрханӑ. Асӑннӑ ҫӗр лаптӑкӗ «Резон» хупӑ акционер обществин шутланать.

Анализ тума Улатимӗрти ветеринари лабораторине ярса панӑ. Унти специалистсем тискер чӗрчун Африка мурӗпе чирлине палӑртнӑ.

Чӑваш Енӗн патшалӑх ветеринари службинче пӗлтернӗ тӑрӑх, чире сарӑлма парас мар тесе специалистсем халӗ тӗрлӗ ӗҫ туса ирттереҫҫӗ.

 

Кӳршӗре

Юпа уйӑхӗн пуҫламӑшӗнче Пушкӑрт Республикинче ящур чирне тупса палӑртнӑ. Ҫавна май Чӑваш Енре ветеринарипе санитари тӗрӗслевпе вӑйлатнӑ.

Халӗ хӗле хатӗрленӗ апата, кӳрсе килекен тата каякан выльӑха, какайран тунӑ симӗҫсене тӗрӗслеҫҫӗ. Выльӑх пусмалли вырӑнсенче ветеринарипе санитари йӗркине пӑхӑннипе пӑхӑнманнине те сӑнаса тӑраҫҫӗ.

Чӑваш Ене выльӑх-чӗрлӗхрен, ҫав шутра – кайӑк-кӗшӗкрен те, хатӗрленӗ продукцие ЧР Ветеринари патшалӑх службипе килӗшӳ туса ҫеҫ кӳрсе килӗҫ.

Сӑмах май, юлашки 7 ҫулта Раҫҫейре ящур чирӗ 41 хутчен пулнине палӑртнӑ. Чӑваш Енре унашкалли 1968 ҫулта пулнӑ.

 

Республикӑра

Ҫӗмӗрле хулинче камсем илем конкурсӗнче тупӑшнине пӗлес килет-и? Кушаксем! Ӑна ЧР Патшалӑх ветеринари службин ӗҫченӗсем йӗркеленӗ.

Жюри пайташӗсем кушаксене тӗрлӗ номинацире хакланӑ. Мероприятие Ҫӗмӗрле хули 101 ҫул тултарнине тата Раҫҫейри экологи ҫулталӑкне халалласа иртнӗ. Ветеринари службин ӗҫченӗ Елена Кузнецова куракансене кушаксене мӗнле пахмаллине, мӗнле прививка тумаллине каласа кӑтартнӑ.

Жюри йышӗнче Ҫӗмӗрле хулин ветеранӗсем те пулнӑ. Кушаксене ҫак номнацисемпе палӑртнӑ: «Самая хвостатая», «Самая ушастая», «Самая спокойная», «Самое оригинальное прозвище», 2Самая модная», «Самая пушистая», «Самая многоцветная», «Самая тяжеловесная», «Самое оригинальное представление питомца». Шел те, номинцисене чӑвашла ят паман ҫӗмӗрлесем.

Хыпар ҫӑлкуҫӗ: http://pg21.ru/news/44641
 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.10.2025 21:00) сайра пӗлӗтлӗ ҫанталӑк, атмосфера пусӑмӗ 765 - 767 мм, 6 - 8 градус ӑшӑ пулӗ, ҫил 0-2 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрне хӑвӑра аталантарма, карьерӑра хӑпарма майсем туса парӗ. Сирӗн лидер пулас килет — лару-тӑру та сирӗн майлӑ пулса пырӗ. Анчах ҫынпа хутшӑннӑ чухне ытлашши кӑнттам ан пулӑр. Ӗҫре хӑвӑрӑн пултарулӑха кӑтартма пултаратӑр. Анчах хӑвӑр ҫине ытлашши нумай ӗҫ ан илӗр. Харпӑр пурнӑҫра ҫывӑх ҫынсемпе хутшӑнӑва йӗркелеме май пулӗ. Вӑй-хал халӗ сирӗн нумай, анчах ӑна кирлӗ ҫӗре ямалла: спорт: вӗренӳ, пултарулӑх.

Юпа, 03

1926
99
Николаева Юлия Фёдоровна, чӑваш ҫыравҫи ҫуралнӑ.
1985
40
Бикулова Мария Григорьевна, чӑваш драма актриси ҫут тӗнчерен уйрӑлнӑ.
2018
7
Григорьев Николай Федорович, педагогика ӑслӑлӑхӗсен кандидачӗ, профессор вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
ӑсатма тухни — ҫылӑх, юрамасть
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫа тарҫи
хӑнана ӑсатма никам та тухмасть
хуҫа хӑй
кил-йышри арҫын
пӗтӗм кил-йышпа тухаҫҫӗ